B.T.E.C – Building up Teachers today for a better Education tomorrow in Cambodia

បាត់ដំបង៖ នៅព្រឹកថ្ងៃសៅរ៍ ទី១៥ ខែមីនា ឆ្នាំ២០២៥ នេះ គណៈគ្រប់គ្រងនៃវិទ្យាស្ថានគរុកោសល្យបាត់ដំបង ដឹកនាំដោយលោក ហ៊ត ស៊ីនួន នាយករងវិទ្យាស្ថានគរុកោសល្យបាត់ដំបង តំណាងដ៏ខ្ពង់ខ្ពស់ឯកឧត្ដមបណ្ឌិតនាយកវិទ្យាស្ថាន និងមានការចូលរួមដោយគណៈគ្រប់គ្រងមហាវិទ្យាល័យអប់រំវិទ្យាសាស្ដ្រ និងដេប៉ាតឺម៉ង់ទាំងបីនៃមហាវិទ្យាល័យអប់រំវិទ្យាសាស្ដ្រ បានរៀបចំកិច្ចប្រជុំពិភាក្សាការងារកិច្ចសហប្រតិបត្ដិការជាមួយប្រភូ នៃសាកលវិទ្យាល័យ VIVES University of Applied Sciences ប្រទេសប៊ែលហ្ស៊ិច ដែលមានលោកស្រី Hilde Grobben ប្រធានផ្នែកបណ្ដុះបណ្ដាល និងលោក Bert Deceuninck សាស្ដ្រាចារ្យនៃសាកលវិទ្យាល័យ VIVES University of Applied Sciences។

នារសៀលថ្ងៃទី១៥ ខែមីនា ឆ្នាំ២០២៥ វ.គ.ប បានបើកវគ្គសិក្សាថ្នាក់សិក្សា និងតម្រង់ទិសដល់សិក្ខាកាមសម្រាប់ថ្នាក់សិក្សា កញ្ចប់មុខវិជ្ជាកម្រិតបឋមសិក្សា កញ្ចប់មុខវិជ្ជាកម្រិតអនុវិទ្យាល័យ និងកម្រិតឧត្តមសិក្សា ក្រោយអធិបតីភាពរបស់ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង និងមានការចូលរួមពីគណៈគ្រប់គ្រងវគ្គខ្លី និងសិក្ខាកាមវគ្គខ្លីចំនួន ១៨០នាក់។

បាត់ដំបង៖ នាថ្ងៃសៅរ៍ ទី១៥ ខែមីនា ឆ្នាំ២០២៥ វិទ្យាស្ថានគរុកោសល្យបាត់ដំបង បានរៀបចំកម្មវិធីបាឋកថាគន្លឹះស្ដីពី «សារៈសំខាន់នៃការសិក្សាប្រវត្តិសាស្ត្រដើម្បីវិបុលភាពសង្គម» ក្រោមវត្តមានវាគ្មិនកិត្តិយស លោកជំទាវបណ្ឌិត ឃួន វិច្ឆិកា អគ្គនាយក នៃអគ្គនាយកដ្ឋានបណ្ដុះបណ្ដាល និងវិក្រឹតការ នៃក្រសួងអប់រំ យុវជន និងកីឡា និងមានការអញ្ជើញចូលរួម ពីឯកឧត្ដមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង គណៈគ្រប់គ្រង បុគ្គលិកអប់រំ សិក្ខាកាមវគ្គខ្លី និងគរុនិស្សិតនៃវិទ្យាស្ថានផងដែរ។

នៅរសៀលថ្ងៃទី១៤ ខែមីនា ឆ្នាំ២០២៥ វិទ្យាស្ថានបច្ចេកវិទ្យាកម្ពុជា បានរៀបចំពិធីចុះអនុស្សរណៈនៃការយោគយល់គ្នារវាងវិទ្យាស្ថានបច្ចេកវិទ្យាកម្ពុជា តំណាងដោយឯកឧត្តមសស្ត្រាចារ្យបណ្ឌិត ប៉ូ គឹមថូ និងវិទ្យាស្ថានគរុកោសល្យបាត់ដំបង តំណាងដោយឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង។

ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបងបានអញ្ជើញចូលរួមទិវាជាតិអំណានលើកទី១០ ជាអ្នកសម្របសម្រួលវេទិកាតុមូលស្តីអំពី “តួនាទីអំណាន និងបណ្ណាល័យ ក្នុងយុគសម័យបញ្ញាសិប្បនិម្មិត”។

អបអរសាទរ ឯកឧត្តមបណ្ឌិតសភាចារ្យ ហង់ជួន ណារ៉ុន ក្នុងឱកាសដែលសមាគមអ្នកនិពន្ធខ្មែរសម្រេចផ្តល់កិត្តិគុណ ប្រសិទ្ធនាមជា «គរុវិជ្ជាចារ្យកវីនិពន្ធ»

នៅថ្ងៃទី១ នារសៀលថ្ងៃព្រហស្បតិ៍ ទី៦ ខែមីនា ឆ្នាំ២០២៥ លោកនាយករង ហ៊ត ស៊ីនួន នាយករងវិទ្យាស្ថានគរុកោសល្យបាត់ដំបង បានទទួលស្វាគមន៍ គរុនិស្សិតសាកលវិទ្យាល័យតូក្យូហ្គាគឹហ្គេ (Tokyo Gakugei University) នៃប្រទេសជប៉ុន ដែលដឹកនាំដោយលោកសាស្រ្តាចារ្យ Dr. ASAKURA Takashi ប្រធានគម្រោង និង SHCC ក្រុមការងារគម្រោង SHCC ព្រមទាំងមានអញ្ជើញចូលរួមពីគ្រូឧទ្ទេសសុខភាព និងគរុនិស្សិតនៃ វ.គ.ប។ ក្រោយពីការធ្វើបទបង្ហាញចែករំលែកបទ និងវប្បធម៌របស់គរុនិស្សិតទាំងពីរប្រទេសរួចមក ក៏មានការចុះទស្សនកិច្ចនៅតាមអាគារសិក្សា និងបរិវេណវិទ្យាស្ថានគរុកោសល្យបាត់ដំបង ក្នុងទិសដៅបង្កើតជាមិត្តភាពយ៉ាងជិតស្និទ្ធជាមួយគ្នា។

បាត់ដំបង៖ នៅរសៀលថ្ងៃទី៦ ខែមីនា ឆ្នាំ២០២៥ នៅវិទ្យាស្ថានគរុកោសល្យបាត់ដំបង មានការរៀបចំកម្មវិធីអបអរសាទរខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ ក្រោមប្រធានបទ «សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប» ក្រោមអធិបតីភាពឯកឧត្ដមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង និងលោកជំទាវ តាន់ សូលីដា និងមានការចូលរួមពីគណៈគ្រប់គ្រង គ្រូឧទ្ទេស បុគ្គលិកអប់រំ គ្រូបង្រៀនសាលាអនុវត្តន៍ទាំងពីរ និងគរុនិស្សិតនៃវិទ្យាស្ថានគរុកោសល្យបាត់ដំបងផងដែរ។

ខាងក្រោមនេះគឺជាកម្រងរូបភាពគណ:គ្រប់គ្រងវិទ្យាស្ថានគរុកោសល្យបាត់ដំបង ទទួលពានរង្វាន់សាលាគរុកោសល្យគំរូ ក្នុងឱកាសសន្និបាតបូកសរុបលទ្ធផលការងារអប់រំឆ្នាំ២០២៣-២០២៤ និងលើកទិសដៅការងារឆ្នាំ២០២៤-២០២៥។

រាជធានីភ្នំពេញ៖ នារសៀលថ្ងៃទី២៤ ខែកុម្ភៈ ឆ្នាំ២០២៥ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង មានកិត្តិយសដែលបានចូលរួមក្នុងវេទិកាពិភាក្សាទី១៖ អភិបាលកិច្ចអប់រំ ដើម្បីផ្តល់បទបង្ហាញស្តីអំពី “ការអនុវត្តស្តង់ដាសាលាគរុកោសល្យគំរូ” ។ គួរបញ្ជាក់ផងដែរថាសន្និបាតនេះមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា ឯកឧត្តម លោកជំទាវអភិបាលនៃគណៈអភិបាលរាជធានី-ខេត្ត មន្ត្រីអប់រំគ្រប់លំដាប់ថ្នាក់ លោក លោកស្រី តំណាងដៃគូអភិវឌ្ឍ ភ្ញៀវកិត្តិយសជាតិ និងអន្តរជាតិ ប្រតិភូអប់រំ យុវជន និងកីឡាមកពីទូទាំង ២៥ រាជធានី-ខេត្ត។

កម្មវិធីប្រកួតប្រជែងនេះ បានរៀបចំឡើងដោយក្រសួងអប់រំ យុវជន និងកីឡា និងបានផ្ដល់ឱកាសប្រកួតប្រជែងដល់គ្រូបង្រៀនទូទាំងប្រទេសដែលបាននិងកំពុងប្រើប្រាស់បច្ចេកវិទ្យាប្រកបដោយភាពច្នៃប្រឌិតខ្ពស់ ជំនួយដល់ការបង្រៀន និងរៀន និងការបំពេញការងារ។

បាត់ដំបង៖ នារសៀលថ្ងៃព្រហស្បតិ៍ ទី១៣ ខែកុម្ភៈ ឆ្នាំ២០២៥កន្លងមកនេះ នៅវិទ្យាស្ថានគរុកោសល្យបាត់ដំបង (វ.គ.ប) មានរៀបចំការបណ្ដុះបណ្ដាលតម្រង់ទិសស្តីអំពី “ការប្រើប្រាស់បញ្ញាសិប្បនិមិត្តសម្រាប់ការបង្រៀន និងរៀន” ជូនដល់គណៈគ្រប់គ្រង គ្រូឧទ្ទេស និងគ្រូបង្រៀននៃសាលាអនុវត្ដន៍។