B.T.E.C – Building up Teachers today for a better Education tomorrow in Cambodia

កាលបរិច្ឆេទផុតកំណត់៖ ២៦ វិច្ឆិកា ២០២៤

បាត់ដំបង៖ នារសៀលថ្ងៃទី១៧ ខែវិច្ឆិកា ឆ្នាំ២០២៤ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញចូលរួមជាអធិបតី ក្នុងពិធីប្រគល់សញ្ញាបត្រជូនដល់គរុនិស្សិត គរុសិស្ស នៃវិទ្យាស្ថានគរុកោសល្យបាត់ដំបង និងមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ឯកឧត្តមអភិបាលនៃគណៈអភិបាលខេត្តបាត់ដំបង លោក លោកស្រី គណៈគ្រប់គ្រង លោកគ្រូ អ្នកគ្រូ បុគ្គលិកអប់រំ អតីតគរុនិស្សិត គរុសិស្ស នៃវិទ្យាស្ថានគរុកោសល្យបាត់ដំបង និងគរុនិស្សិត-គរុសិស្សជ័យលាភីទាំងអស់ សរុបចំនួនប្រមាណ ៦០០នាក់។

ជាមួយសមាជិកភាពនេះ វ.គ.ប. នឹងតភ្ជាប់ទៅបណ្ដាញសាកលវិទ្យាល័យ ១០០៧ ក្នុង ១១៩ ប្រទេស។

បាត់ដំបង៖ នាព្រឹកថ្ងៃអាទិត្យ ទី១៧ ខែវិច្ឆិកា ឆ្នាំ២០២៤ វិទ្យាស្ថានគរុកោសល្យបាត់ដំបង(វ.គ.ប)បានរៀបចំកិច្ចប្រជុំក្រុមប្រឹក្សាបច្ចេកទេសលើកទី២ ដើម្បីបូកសរុបលទ្ធផលការងាររយៈពេល១០ខែ ដើមឆ្នាំ២០២៤ និងលើកទិសដៅការងារបន្ត ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា និងជាប្រធានក្រុមប្រឹក្សាបច្ចេកទេសនៃវិទ្យាស្ថានគរុកោសល្យបាត់ដំបង ដោយមានការអញ្ជើញចូលរួមពី ឯកឧត្តម លោកជំទាវ លោក-លោកស្រី អនុប្រធាន សមាជិក សមាជិកា ក្រុមប្រឹក្សាបច្ចេកទេសប្រមាណ ២០ រូប។

នៅថ្ងៃ ចន្ទ ទី ១១ ខែ វិច្ឆិកា ឆ្នាំ ២០២៤ ដំណើរទស្សនៈកិច្ចរបស់សមាជិកយុវជន Global Wing របស់អង្គការ Fukuoka និងអង្គការ Kizuna ប្រទេសជប៉ុន បានប្រារព្ធឡើងនៅ វិទ្យាស្ថានគរុកោសល្យបាត់ដំបង។ ទស្សនៈកិច្ចសិក្សានេះធ្វើឡើងក្នុងគោលបំណងផ្លាស់ប្តូរវប្បធម៌ និងពង្រឹងចំណងមិត្តភាពរវាងវិទ្យាស្ថានគរុកោសល្យបាត់ដំបង ជាមួយអង្គការ Fukuoka និងអង្គការ Kizuna។ បន្ទាប់ពីមតិស្វាគមន៍ និងការជូនវត្ថុអនុស្សារីយ៍របស់ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង គណៈប្រតិភូ បានបន្តពិនិត្យមើល និងដាក់ឱ្យដំណើរការ ទូរទស្សន៍ឆ្លាត់វៃដែលជាអំណោយដ៍ថ្លៃថ្លារបស់អង្គការ Fukuoka និងអង្គការ Kizuna និងបានទស្សនារបាំ និងល្បែងកំសាន្តដែលសំដែងរួមគ្នាដោយក្រុមយុវវជន Global Wing និងគរុនិស្សិតវិទ្យាស្ថានគរុកោសល្យ។ជាចុងក្រោយគណៈប្រតិភូបានទទួលទានអាហារជុំគ្នាប្រកបដោយបរិយាកាសរីករាយ សាមគ្គីភាព និងមិត្តភាព។

បាត់ដំបង៖ ថ្ងៃទី៧ ខែវិច្ឆិកា ឆ្នាំ២០២៤ នេះ នៅវិទ្យាស្ថានគរុកោសល្យបាត់ដំបងបានទទួលស្វាគមន៍ ក្រុមគ្រូពេទ្យស្ម័គ្រចិត្ដជនជាតិបារាំង និងខ្មែរ នៃអង្គការហត្ថាវេជ្ជសាស្រ្ត(Hattha Vichesas) មកបំពេញបេសកកម្មព្យាបាលលំនឹងសរីរាង្គ (Ostéopathie) ជូនគ្រូឧទ្ទេស និងគរុនិស្សិតនៃវិទ្យាស្ថានគរុកោសល្យបាត់ដំបងដោយឥតគិតថ្លៃរយៈពេល០២ថ្ងៃនៅក្នុងទីតាំងនៃវិទ្យាស្ថាន។ ឯកឧត្ដមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានទទួលសា្វគមណ៍ និងថ្លែងអំណរគុណយ៉ាងជ្រាលជ្រៅដល់អង្គការហត្ថាវេជ្ជសាស្រ្ត ដែលដឹកនាំដោយលោកសាស្រ្តាចារ្យវេជ្ជបណ្ឌិត Patrick JOUHAUD ក្នុងការផ្ដល់សេវាព្យាបាលនេះ ដល់មន្រ្តីអប់រំ និងគរុនិស្សិតវិទ្យាស្ថានគរុកោសល្យបាត់ដំបងដើម្បីធ្វើឱ្យប្រសើរឡើងនូវសុខភាពផ្លូវចិត្ត បន្ថយភាពតានទឹង និងបញ្ហាសុខភាពផ្សេងៗ។ សូមបញ្ជាក់ផងដែរថា ការព្យាបាលលំនឹងសរីរាង្គ (Ostéopathie) ជាការព្យាបាលដែលអាចអនុញ្ញាតឱ្យធ្វើរោគវិនិច្ឆ័យអំពីរោគសញ្ញាផ្សេងៗ ដូចជាសម្ពាធនៅក្នុងទ្រូង ការរងទុក្ខផ្លូវចិត្ត ការសង្ស័យអំពីរោគរបេង ការឈឺចាប់ផ្នែកក្បាល ដែលពាក់ព័ន្ធនឹងបញ្ហាមាត់ធ្មេញ កង្វះអាហាររូបត្ថម្ភ ឬ អំពើហឹង្សាជាដើម។ ការព្យាបាលលំនឹងសរីរាង្គ (Ostéopathie) មានសារៈប្រយោជន៍ច្រើនសម្រាប់គ្រូឧទ្ទេស និងគរុនិស្សិត ដូចខាងក្រោម៖ ១. ការព្យាបាលនេះអាចជួយបន្ថយសម្ពាធ និងគ្រោះថ្នាក់ផ្សេងៗដែលគ្រូឧទ្ទេស និងគរុនិស្សិតប្រឈមមុខ ដូចជា សម្ពាធដែលកើតមានក្នុងការសិក្សា និងការងារ។ ២. ការព្យាបាលអាចជួយសម្រួលសុខភាពរបស់ពួកគាត់ ធ្វើឱ្យមានសមត្ថភាពកាន់តែខ្ពស់ក្នុងការសិក្សា និងការបំពេញការងារ។ ៣. ការព្យាបាលលំនឹងសរីរាង្គ អាចជួយកាត់បន្ថយការរងទុក្ខផ្លូវចិត្ត និងបញ្ហាសុខភាពផ្លូវចិត្តផ្សេងៗ ដែលអាចមានផលប៉ះពាល់ដល់សមត្ថភាពការសិក្សា។ ៤. វាអាចជួយព្យាបាលរោគសញ្ញាផ្សេងៗដូចជា ការឈឺចាប់ក្នុងទ្រូង ការឈឺក្បាល និងបញ្ហាអាហាររូបត្ថម្ភ ដែលអាចប៉ះពាល់ដល់គុណភាពជីវិត។

កម្រងរូបភាព សន្និសីទអប់រំប្រចាំឆ្នាំ២០២៤ នៃវិទ្យាស្ថានគរុកោសល្យបាត់ដំបង ក្រោមប្រធានបទ «សមាហរណកម្មបច្ចេកវិទ្យាព័ត៌មាន និងសារគមនាគមន៍ និងការស្រាវជ្រាវ​ ក្នុងការបង្រៀន និងរៀន ដើម្បីគាំទ្របរិវត្តកម្មឌីជីថលនៃការអប់រំនៅកម្ពុជា»

ភាពជាដៃគូរវាងវិស័យរដ្ឋ និងឯកជនដើម្បីធ្វើឱ្យប្រសើរឡើងប្រព័ន្ធនៃការបណ្តុះបណ្តាលគ្រូ និងគុណភាពអប់រំនៅកម្ពុជា

នៅ ថ្ងៃចន្ទ៤រោច ខែ កត្តិក ឆ្នាំរោង ឆស័ក ព.ស ២៥៦៨ ថ្ងៃទី ៤ ខែ វិច្ឆិកា ឆ្នាំ២០២៤ នៅវិទ្យាស្ថានគរុកោសល្យបាត់ដំបងបាន «ប្រារព្ធកម្មវិធី បើកបវេសនកាល និងការសំណេះសំណាលជាមួយ មាតាបិតា អាណាព្យាបាល គរុនិស្សិតបរិញ្ញាបត្រអប់រំ(១២+៤) ឆ្នាំទី៤ ជំនាន់ទី ៣ នៃវិទ្យាស្ថានគរុកោសល្យបាត់ដំបង» ក្រោមអធិតីភាពដ៍ខ្ពង់ខ្ពស់ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង និង គណៈគ្រប់គ្រង គ្រូឧទ្ទេស គរុនិស្សិត និងមាតាបិតា អាណាព្យាបាល។ (https://www.facebook.com/TEC.Battambang/posts/1072419851558242)

សន្និសីទនេះនឹងមានការចូលរួមពីវាគ្មិនកិត្តិយសដែលមកពីក្រសួងអប់រំ យុវជន និងកីឡា អ្នកជំនាញផ្នែកអប់រំ អ្នកស្រាវជ្រាវ លោកគ្រូ អ្នកគ្រូ អ្នកអប់រំ និងអ្នកពាក់ព័ន្ធជាច្រើនទៀត។ ចូលរួមដោយសេរី និងឥតគិតថ្លៃនៅវិទ្យាស្ថានគរុកោសល្យបាត់ដំបង និងស្ដាប់ការពិភាក្សា និងការធ្វើបទបង្ហាញចម្រុះរបស់វាគ្មិនដែលមានដូចជា៖

(បាត់ដំបង)៖ វិទ្យាស្ថានគរុកោសល្យបាត់ដំបង បានកម្មវិធីសនិ្នសីទអប់រំប្រចាំឆ្នាំ២០២៤ ​ក្រោមប្រធានបទ«សមាហរណកម្មបច្ចេកវិទ្យាព័ត៌មាននិងសារគមនាគមន៍ និងការស្រាវជ្រាវក្នុងការបង្រៀន និងរៀនដើម្បីគាំទ្របរិវត្តកម្មឌីជីថលនៃការអប់រំនៅកម្ពុជា» ដើម្បីលើកកម្ពស់វប្បធម៌ស្រាវជ្រាវអប់រំនៅកម្ពុជា ​និងរុញច្រានគុណភាពនៃការអប់រំ និងបណ្តុះបណ្តាលគ្រូនៅកម្ពុជា។

បាត់ដំបង៖ នាព្រឹកថ្ងៃព្រហស្បតិ៍ ទី២៤ ខែតុលា ឆ្នាំ២០២៤ នៅវិទ្យាស្ថានគរុកោសល្យបាត់ដំបង (វ.គ.ប) បានរៀបចំពិធីបើកវគ្គបំប៉នគ្រូបង្រៀនកម្រិតមូលដ្ឋានជំនាន់ទី១៣ លើកទី២ ក្រោមអធិបតីភាព ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង ដោយមានការអញ្ជើញចូលរួមពីគណៈគ្រប់គ្រង លោកគ្រូ-អ្នកគ្រូឧទ្ទេសវិទ្យាស្ថាន និង សិក្ខាកាមវគ្គខ្លីប្រមាណ៣៥០នាក់ ក្នុងនោះលោកគ្រូ-អ្នកគ្រូជាសិក្ខាមមានចំនួន ៣២៩ នាក់ (ស្រី ១៥៤ នាក់)ដែលអញ្ជើញមកពីខេត្តចំនួន៦ ចំណុះឱ្យភូមិភាគខេត្តបាត់ដំបង។ (https://www.facebook.com/share/p/FXVik4rYeQo1QZZB/?)