ចូលរួម«វេទិកាស្រាវជ្រាវថ្នាក់ជាតិ និងពិព័រណ័ស្ទែមឧត្តមសិក្សាឆ្នាំ២០២៦»ក្រោមប្រធានបទ«ការជំរុញការស្រាវជ្រាវ នវានុវត្តន៍ និងស្ទែម ដើម្បីឆ្ពោះទៅសម្រេចចក្ខុវិស័យកម្ពុជាឆ្នាំ២០៥០»នៅវិទ្យាស្ថានបច្ចេកវិទ្យាកម្ពុជា

ព្រឹទ្ធបុរសស្ដីទីនិងដេប៉ាតឺម៉ង់នៃមហាវិទ្យាល័យអប់រំវិទ្យាសាស្ត្របានចូលរួម«វេទិកាស្រាវជ្រាវថ្នាក់ជាតិ និងពិព័រណ័ស្ទែមឧត្តមសិក្សាឆ្នាំ២០២៦»ក្រោមប្រធានបទ«ការជំរុញការស្រាវជ្រាវ នវានុវត្តន៍ និងស្ទែម ដើម្បីឆ្ពោះទៅសម្រេចចក្ខុវិស័យកម្ពុជាឆ្នាំ២០៥០»ដែលបានដំណើរការប្រព្រឹត្តទៅរយៈពេល២ថ្ងៃ ចាប់ពីថ្ងៃទី៥ដល់ថ្ងៃទី៦ ខែវិច្ឆិកា ឆ្នាំ២០២៦ នៅវិទ្យាស្ថានបច្ចេកវិទ្យាកម្ពុជា(ITC)រាជធានីភ្នំពេញ។ជាលទ្ធផលទទួលបានទី១៖ស្តាប់ការចែករំលែកពីអ្នកធ្វើបទបង្ហាញគន្លឹះ វាគ្មិន និងអ្នកសម្របសម្រួល អំពីប្រធានបទសំខាន់ៗពាក់ព័ន្ធនឹងការជំរុញការស្រាវជ្រាវ នវានុវត្តន៍ និងស្ទែម (STEM)ទី២៖ទទួលបានការរៀនសូត្រពីការឡើងធ្វើបទបង្ហាញអត្ថបទស្រាវជ្រាវតាមប្រធានបទរងដែលចែកចេញជា៣ផ្នែក៖ផ្នែកទី១៖បញ្ញាសិប្បនិម្មិត្តក្នុងវិស័យអប់រំ ផ្នែកទី២៖ស្ទែម និងការស្រាវជ្រាវអនុវត្ត និងផ្នែកទី៣៖ការអប់រំ ការបង្រៀន និងការរៀន ទី៣៖ទស្សនាការតាំងបង្ហាញពិព័រណ៍ចំនួន ២៤ស្ដង់ ដែលមានផលិតផល និងលទ្ធផលស្រាវជ្រាវ/ផ្ទាំងស្រាវជ្រាវនិងបច្ចេកវិទ្យាRobot សរុបចំនួន ៧៦និងទី៤៖ចូលរួមយ៉ាងសកម្មក្នុងការចោទសួរសំណួរ បញ្ចេញមតិយោបល់ ចែករំលែកចំណេះដឹង ជំនាញ និងបទពិសោធ ដើម្បីរួមចំណែកដល់ការអភិវឌ្ឍសង្គម-សេដ្ឋកិច្ច និងចក្ខុវិស័យកម្ពុជា ឆ្នាំ២០៥០។

០៦ វិច្ឆិកា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia