Battambang Teacher Education College

សិក្ខាសាលាលើប្រធានបទ “ទស្សនទានដំបូងនៃការងារដឹកនាំគ្រប់គ្រង និងរដ្ឋបាលអប់រំតាមគ្រឹះស្ថានសិក្សា” ផ្តល់បទឧទ្ទេសដោយ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង

នាព្រឹកថ្ងៃសុក្រ ១៤កើត ខែស្រាពណ៍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែសីហា ឆ្នាំ២០២៥ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានផ្តល់បទឧទ្ទេសដល់គរុនិស្សិតជំនាន់ទី៤ ឆ្នាំទី២ លើប្រធានបទ “ទស្សនទានដំបូងនៃការងារដឹកនាំគ្រប់គ្រង និងរដ្ឋបាលអប់រំតាមគ្រឹះស្ថានសិក្សា” សិក្ខាសាលានេះធ្វើឡើងក្នុងគោលបំណងដើម្បីចែករំលែកពីបទពិសោធន៍ផ្ទាល់ខ្លួនរបស់ឯកឧត្តមបណ្ឌិត នាយកវិទ្យាស្ថាន លើការងារដឹកនាំគ្រប់គ្រងរដ្ឋបាលអប់រំ លិខិតរដ្ឋបាល និងដំណើរការអង្គភាព ព្រមទាំងភ្ជាប់ជាមួយការស្រាវជ្រាវ និងការបង្រៀន ដើម្បីធានាបាននូវអភិបាលកិច្ចល្អ។ ក្នុងនោះ ឯកឧត្តមបណ្ឌិត នាយកវិទ្យាស្ថាន ក៏បានក្រើនរំលឹកដល់គរុនិស្សិតឱ្យមានស្មារតីបុរេសកម្មក្នុងការបំពេញការងារ កាតព្វកិច្ចជាគរុនិស្សិត នឹងជាធនធានរបស់ប្រទេសជាតិនាថ្ងៃខាងមុខ។