Battambang Teacher Education College

អបអរសាទរគរុនិស្សិតជ័យលាភីស្នាដៃគំនូរ ក្នុងឱកាសអបអរសាទរទិវាគ្រូបង្រៀន ៥ តុលា ២០២៥

វិទ្យាស្ថានគរុកោសល្យបាត់ដំបង បានរៀបចំការប្រកួតប្រជែងស្នាដៃគូរគំនូរ ដើម្បីអបអរសាទរទិវាគ្រូបង្រៀន ៥ តុលា ២០២៥។ការប្រកួតនេះមានគោលបំណងបង្ហាញពីគុណសម្បត្តិដ៏មហិមារបស់គ្រូបង្រៀន តាមរយៈស្នាដៃគំនូរ និងការបកស្រាយខ្លឹមសារដោយគរុនិស្សិត និងបង្ហាញពីសមត្ថភាពរបស់គរុនិស្សិតក្នុងការគូរគំនូរ សរសេរ និងបកស្រាយខ្លឹមសារ។បន្ទាប់ពីការវាយតម្លៃពីគណៈកម្មការ តាមរយៈ ស្នាដៃគំនូរ ខ្លឹមសារ និងវីដេអូ ស្នាដៃជោគជ័យចំនួន ៣ ត្រូវបានជ្រើសរើស ជាជ័យលាភី៖

ជ័យលាភីលេខ ១៖ គរុនិស្សិត ឆន រស្មី លើ ប្រធានបទ៖ “ការប្រើប្រាស់បច្ចេកវិទ្យាអប់រំ (Ed Tech) និង AI គាំទ្រការបង្រៀន”
ជ័យលាភីលេខ ២៖ គរុនិស្សិត យ៉ុន ច័ន្ទវត្តី និង គរុនិស្សិត ឈិត សុជាតា លើ ប្រធានបទ៖ “គ្រូបង្រៀនជាឪពុកម្តាយទី២”
ជ័យលាភីលេខ ៣៖ គរុនិស្សិត ញឹម គឹមឡាង លើ ប្រធានបទ៖ “គ្រូបង្រៀនជាវិស្វករព្រលឹង”