ជំនួបស្វាគមន៍អ្នកស្ម័គ្រចិត្តជប៉ុន JICA(JOCV) មកកាន់វិទ្យាស្ថានគរុកោសល្យបាត់ដំបង

នារសៀលថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ ឯកឧត្ដមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានអញ្ជើញទទួលស្វាគមន៍យ៉ាងកក់ក្តៅជូនចំពោះអ្នកស្ម័គ្រចិត្តជប៉ុននៃអង្គការ JICA(JOCV) ដែលមកជួយគាំទ្រកិច្ចការបង្រៀនលើផ្នែកវិទ្យាសាស្ត្រ និងអប់រំកាយ និងកីឡា។
ពិធីនេះមានការចូលរួមពី លោកស្រី Chiba Motoko អ្នកសម្របសម្រួលអ្នកស្ម័គ្រចិត្ត JICA(JOCV), លោក Tamaki Sohsuke, លោកស្រី Yamada Mari, លោកស្រី Hayashi Reiko, លោកស្រី Yamane Yasuka និងលោកស្រី Mizukami Yuka ព្រមទាំងលោក-លោកស្រីនាយករង នាយិការង ព្រឹទ្ធបុរសរង ប្រធានដេប៉ាតឺម៉ង់ គ្រូឧទ្ទេស និងអ្នកស្ម័គ្រចិត្តបរទេសនៃវិទ្យាស្ថានគរុកោសល្យបាត់ដំបងផងដែរ។
ជំនួបនេះធ្វើឡើងដើម្បីពង្រឹងកិច្ចសហប្រតិបត្តិការរវាងវិទ្យាស្ថាន និងអង្គការ JICA(JOCV) ក្នុងការផ្លាស់ប្តូរបទពិសោធន៍ បច្ចេកទេសបង្រៀន និងលើកកម្ពស់គុណភាពនៃការអប់រំផ្នែកវិទ្យាសាស្ត្រ និងកីឡាឱ្យកាន់តែរស់រវើក និងមានប្រសិទ្ធភាពខ្ពស់។
ក្នុងឱកាសនោះដែរ ឯកឧត្ដមបណ្ឌិត បានថ្លែងអំណរគុណយ៉ាងជ្រាលជ្រៅចំពោះអង្គការ JICA(JOCV) ក៏ដូចជាប្រតិភូអ្នកស្ម័គ្រចិត្តជប៉ុនទាំងអស់ ដែលបានខិតខំប្រឹងប្រែង និងលះបង់ពេលវេលាក្នុងការចូលរួមចំណែកអភិវឌ្ឍវិស័យអប់រំ។

២៧ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia