វគ្គបណ្ដុះបណ្ដាលស្ដីពី «ស្តង់ដាសម្រាប់ការទទួលស្គាល់គុណភាពលើគ្រឹះស្ថានឧត្តមសិក្សា» នៅវិទ្យាស្ថានគរុកោសល្យបាត់ដំបង

បាត់ដំបង៖ នៅថ្ងៃចន្ទ ១៥កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី៣ ខែមីនា ឆ្នាំ២០២៦ លោក លោកស្រី ព្រឹទ្ធបុរសរង អនុប្រធាន និងមន្រ្តីការិយាល័យធានាគុណភាពផ្ទៃក្នុង ព្រមទាំងជនបង្គោលនៃមហាវិទ្យាល័យ និងដេប៉ាតឺម៉ង់ ដឹកនាំដោយ លោក ថ្លាង សន្តំ នាយករងវិទ្យាស្ថានគរុកោសល្យបាត់ដំបង តំណាងឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានចូលរួមវគ្គបណ្ដុះបណ្ដាលស្ដីពី «ស្តង់ដាសម្រាប់ការទទួលស្គាល់គុណភាពលើគ្រឹះស្ថានឧត្តមសិក្សា» ក្រោមការសម្របសម្រួលរបស់ក្រុមការងារគណៈកម្មការទទួលស្គាល់គុណភាពអប់រំកម្ពុជា (គ.ទ.ក.) ដឹកនាំដោយឯកឧត្ដម លី វុទ្ធី អគ្គលេខាធិការរង គ.ទ.ក.។
វគ្គបណ្ដុះបណ្ដាលនេះ ធ្វើឡើងក្នុងគោលបំណង ផ្ដល់ការបំប៉នបន្ថែម អំពីស្តង់ដាសម្រាប់ការទទួលស្គាល់គុណភាពអប់រំកម្រិតគ្រឹះស្ថាន ដើម្បីឱ្យមានសមត្ថភាព ការយល់ដឹង និងការត្រៀមលក្ខណៈគ្រប់គ្រាន់ក្នុងការរៀបចំឯកសារចាំបាច់នានា ឆ្លើយតបនឹងស្តង់ដាអប្បបរមា សម្រាប់វាយតម្លៃពាក់កណ្តាលអាណត្តិនៃការទទួលស្គាល់គុណភាពអប់រំកម្រិតគ្រឹះស្ថាននិងការត្រៀមក្នុងការវាយតម្លៃការទទួលស្គាល់គុណភាពអប់រំកម្រិតគ្រឹះស្ថានលើកទី២។

បាត់ដំបង | ០៤ កុម្ភៈ ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia