សកម្មភាពបណ្ដុះបណ្ដាលផ្នែក «ប្រព័ន្ធ IoT ការចាប់សញ្ញា និងការតាមដានផ្នែកមាត្រាសាស្ត្រ» ដល់គរុនិស្សិមធ្យម ១២+៤ ដោយសាស្ត្រាចារ្យពីសាកលវិទ្យាល័យ Fukui ប្រទេសជប៉ុន

នារសៀលថ្ងៃអង្គារ ៥កើតខែស្រាពណ៍ឆ្នាំមមីអដ្ឋស័ក ព.ស២៥៧០ ត្រូវនឹងថ្ងៃទី១៨ខែសីហាឆ្នាំ២០២៦ វិទ្យាស្ថានគរុកោសល្យបាត់ដំបងបានរៀបចំឱ្យមានការបណ្ដុះបណ្ដាលមួយស្ដីពី «ប្រព័ន្ធ IoT ការចាប់សញ្ញា និងការតាមដានផ្នែកមាត្រាសាស្ត្រ» ដល់គរុនិស្សិតមធ្យម ១២+៤ ថ្នាក់គីមីវិទ្យា និងជីវវិទ្យា សរុប៣០ នាក់ ដែលបណ្ដុះបណ្ដាលដោយលោកសាស្រ្តាចារ្យ Motoharu FUJIGAKI និងក្រុមការងារមកពីសាកលវិទ្យាល័យ Fukui ប្រទេសជប៉ុន។ លោកបណ្ឌិត ហ៊ត ស៊ីនួន តំណាងឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបងបានជួបស្វាគមន៍ព្រមទាំងមានចំណាប់អារម្មណ៍ និងផ្ដាំផ្ញើដល់គរុនិស្សិតឱ្យខិតខំត្រងត្រាប់ស្ដាប់ការពន្យល់ សួរសំណួរ ហើយព្យាយាមចូលរួមសកម្មភាពនានានៅអំឡុងពេលបណ្ដុះបណ្ដាលនេះ។ ការបណ្ដុះបណ្ដាលនេះមានគោលបំណងពីរគឺ (១) ផ្ដល់ចំណេះដឹងផ្នែក ប្រព័ន្ធ IoT ការចាប់សញ្ញា និងការយល់ដឹងអំពីការតាមដានខាងមាត្រាសាស្ត្រ និង (២) បញ្ចូល និងប្រមូលទិន្នន័យចាប់សញ្ញាដែលអាចទុកចិត្តបាន។ ខ្លឹមសារនិងសកម្មភាពទាំងឡាយពាក់ព័ន្ធនឹងការបណ្ដុះបណ្ដាលនេះគឺ (១) • ការប្រើ IoT ចំពោះកុំព្យូទ័រខ្នាតតូច Arduino (២) ឧបករណ៍ចាប់សញ្ញា (៣) ការអនុវត្តផ្ទាល់អំពីការតាមដានខាងមាត្រាសាស្ត្រ និង (៤) ការងារក្រុម៖ ការប្រមូលគំនិតសម្រាប់ការអប់រំ STEAM ដោយប្រើប្រាស់ IoT និងឧបករណ៍ចាប់សញ្ញា ។ ការបណ្ដុះបណ្ដាលនេះអាចផ្ដល់ជាចំណេះដឹង និងការពិសោធផ្នែកវិទ្យាសាស្ត្រ បន្ថែមដល់គរុនិស្សិត ដែលជាទុនសម្រាប់ការប្រតិបត្តិវិជ្ជាជីវៈជាគ្រូបង្រៀននាពេលអនាគត។

១៨ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia