ពិធីចុះហត្ថលេខាលើកិច្ចព្រមព្រៀងបន្តលើការបណ្ដុះបណ្ដាល ក្នុងកម្មវិធីដំឡើងគុណវុឌ្ឍិគ្រូបង្រៀនសាលាចំណេះទូទៅ នៅសាលប្រជុំគម្រោង GEIP ជាន់ទី៥ អគាររដ្ឋបាល (ចៅពញាហុក) រាជធានីភ្នំពេញ

នៅរសៀលថ្ងៃសុក្រ ២រោចខែទុតិយាសាឍឆ្នាំមមីអដ្ឋស័ក ព.ស២៥៧០ ត្រូវនឹងថ្ងៃទី៣១ខែកក្កដាឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបងបានចូលរួមចុះហត្ថលេខាលើកិច្ចព្រមព្រៀងបន្តជាមួយសាកលវិទ្យាល័យភូមិន្ទភ្នំពេញ លើការបណ្ដុះបណ្ដាលក្នុងកម្មវិធីដំឡើងគុណវុឌ្ឍិគ្រូបង្រៀនសាលាចំណេះទូទៅ (GEIP) ក្រោមអធិបតីភាព ឯកឧត្តមបណ្ឌិតសភាចារ្យ ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា និងជានាយកគម្រោង។ កម្មវិធីនេះរៀបចំឡើងនៅសាលប្រជុំគម្រោង GEIP ជាន់ទី៥ អគាររដ្ឋបាល (ចៅពញាហុក) រាជធានីភ្នំពេញ ហើយមានវត្តមានអញ្ជើញចូលរួមក្នុងពិធីនោះដែររួមមានថ្នាក់ដឹកនាំក្រសួងអប់រំ យុវជន និងកីឡា ថ្នាក់ដឹកនាំអគ្គនាយកដ្ឋាន នាយកដ្ឋាន និងវិទ្យាស្ថានគរុកោសល្យ។ កិច្ចព្រមព្រៀងបន្តនេះធ្វើឡើងដើម្បីបញ្ជាក់ពីការឯកភាពគ្នានូវលក្ខខណ្ឌមួយចំនួន ហើយវិទ្យាស្ថានគរុកោសល្យបាត់ដំបងទទួលសិទ្ធិបណ្ដុះបណ្ដាលសិក្ខាកាមជាគ្រូបង្រៀនដែលចង់ដំឡើងគុណវុឌ្ឍិឱ្យស្មើកម្រិតបរិញ្ញាបត្រមកពីសាលាអនុវិទ្យាល័យសាធារណៈនៅកម្ពុជា ។

០១ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia