សិក្ខាសាលាផ្សព្វផ្សាយផែនការសកម្មភាពឆ្នាំ២០២៦ ក្រោមគម្រោង «ការកសាងសមត្ថភាពលើការអប់រំសន្តិភាព» របស់វិទ្យាស្ថានគរុកោសល្យបាត់ដំបង និងអង្គការ forumZFD Cambodia

នាព្រឹកថ្ងៃទី១៩ ខែកុម្ភៈ ឆ្នាំ២០២៦ វិទ្យាស្ថានគរុកោសល្យបាត់ដំបង និងអង្គការ forumZFD Cambodia បានរៀបចំសិក្ខាសាលាបូកសរុបសមិទ្ធផលដែលសម្រេចបានក្នុងឆ្នាំ២០២៥ និងផ្សព្វផ្សាយផែនការសកម្មភាពឆ្នាំ២០២៦។ សមិទ្ធផលសំខាន់ៗដែលសម្រេចបានក្នុងឆ្នាំ២០២៥ រួមមាន៖
១. ការកសាងសមត្ថភាព៖ សិក្ខាសាលាស្តីពីការយល់ដឹងពីសុខុមាលភាពផ្លូវចិត្តតាមរយៈការបដិបត្តិសមាធិដល់គ្រូឧទ្ទេសបង្គោល និងគរុនិស្សិត វគ្គបណ្តុះបណ្តាលការអប់រំសន្តិភាពនៅប្រទេសហ្វីលីពីន និងវគ្គបណ្តុះបណ្តាលការប្រាស្រ័យទាក់ទងបែបអហិង្សា និងការស្តាប់ដោយការយល់ចិត្ត។
២. ការស្រាវជ្រាវប្រតិបត្តិ (Action Research)៖ ការរៀបចំសៀវភៅណែនាំការស្រាវជ្រាវប្រតិបត្តិ (AR Manual) សម្រាប់គ្រូឧទ្ទេស ដើម្បីលើកកម្ពស់ការអប់រំសន្តិភាពក្នុងថ្នាក់រៀន។
៣. បណ្ណាល័យសន្តិភាព៖ ការបង្កើត «កៀនបណ្ណាល័យសន្តិភាព» (Peace Library) នៅក្នុងបណ្ណាល័យធំរបស់ BTEC ដែលបំពាក់ដោយសម្ភារសិក្សា និងសៀវភៅទាក់ទងនឹងការកសាងសន្តិភាព។
៤. ការសហការរៀបចំសន្និសីទអប់រំអន្តរជាតិលើកទី១
ផ្អែកលើលទ្ធផលកន្លងមក វិទ្យាស្ថានគរុកោសល្យបាត់ដំបង និងអង្គការ forumZFD Cambodia នឹងបន្តពង្រឹងកិច្ចសហការលើការកសាងសមត្ថភាពលើការអប់រំសន្តិភាព ការស្រាវជ្រាវប្រតិបត្តិ និងធនធានសិក្សាក្នុងបណ្ណាល័យសន្តិភាព ដើម្បីបន្តកសាងសមត្ថភាពគ្រូឧទ្ទេស និងគរុនិស្សិតឱ្យកាន់តែប្រសើរឡើង ជាពិសេសលើការបំប្លែងទំនាស់ និងការអប់រំសន្តិភាព។
វិទ្យាស្ថានគរុកោសល្យបាត់ដំបង សូមថ្លែងអំណរគុណយ៉ាងជ្រាលជ្រៅដល់អង្គការ forumZFD Cambodia ចំពោះការគាំទ្រ និងកិច្ចសហប្រតិបត្តិការយ៉ាងស្អិតរមួត ដើម្បីរួមចំណែកដល់ការអភិវឌ្ឍវិស័យអប់រំ និងសន្តិភាពក្នុងសង្គមកម្ពុជា។

បាត់ដំបង | ១៩ កុម្ភៈ ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia