ពិធីបើកសិក្ខាសាលាពិគ្រោះយោបល់ និងឆ្លុះបញ្ចាំងលទ្ធផលនៃការសិក្សាស្រាវជ្រាវក្របខណ្ឌគម្រោង SMILE

ខេត្តកំពង់ឆ្នាំង៖ នាព្រឹកថ្ងៃទី២៩ ខែកញ្ញា ឆ្នាំ២០២៦ វិទ្យាស្ថានគរុកោសល្យបាត់ដំបង សហការជាមួយអង្គការ VVOB បានរៀបចំសិក្ខាសាលាពិគ្រោះយោបល់ និងឆ្លុះបញ្ចាំងលទ្ធផលនៃការសិក្សាស្រាវជ្រាវក្របខណ្ឌគម្រោង SMILE ក្រោមអធិបតីភាពឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង ដោយមានការអញ្ជើញចូលរួមពីគណៈគ្រប់គ្រង គ្រូឧទ្ទេស និងគរុនិស្សិតនៃវិទ្យាស្ថានគរុកោសល្យបាត់ដំបង ព្រមទាំងមានការអញ្ជើញចូលរួមពីក្រុមការងារអង្គការ VVOB វិទ្យាស្ថានបើកទូលាយ តំណាងនាយកដ្ឋានអធិការកិច្ចគុណភាពអប់រំ នាយកដ្ឋានបឋមសិក្សា នាយកដ្ឋានកិច្ចការបណ្ដុះបណ្ដាល មន្ទីរអប់រំ យុវជន និងកីឡាខេត្តកំពង់ធំ និងគណៈគ្រប់គ្រងសាលារៀន លោកគ្រូ-អ្នកគ្រូសាលាគោលដៅនៃខេត្តកំពង់ធំ។
សិក្ខាសាលានេះផ្តោតសំខាន់លើរបៀបវារៈសំខាន់ៗដូចជា៖
១. ការបង្ហាញ និងចែករំលែកសមិទ្ធផល បទពិសោធ និងឧត្តមានុវត្តន៍នានាក្នុងការអនុវត្តការសិក្សាស្រាវជ្រាវ
២. ការពិភាក្សា និងពិគ្រោះយោបល់លើរបកគំហើញ ព្រមទាំងអនុសាសន៍សំខាន់ៗដែលទទួលបានពីរបាយការណ៍សិក្សា
៣. ការឯកភាពរួមលើអនុសាសន៍សកម្មភាព ដើម្បីបន្តអភិវឌ្ឍវិធីសាស្ត្របង្រៀន និងលើកកម្ពស់សមត្ថភាពគរុកោសល្យគណិតវិទ្យាថ្នាក់ដំបូង។
ថ្លែងក្នុងឱកាសបើកសិក្ខាសាលានោះ ឯកឧត្តមបណ្ឌិត ជា រដ្ឋា បានគូសបញ្ជាក់ថា៖ តាមរយៈគម្រោង SMILE នេះ វិទ្យាស្ថានគរុកោសល្យបាត់ដំបង មិនត្រឹមតែជាអ្នកចូលរួមនោះទេ ប៉ុន្តែបានដើរតួនាទីយ៉ាងសំខាន់ក្នុងការរួមគ្នារៀបចំ និងបង្កើតទម្រង់គម្រោង (Co-design) ព្រមទាំងរួមគ្នាអនុវត្តផ្ទាល់ (Co-implemented) យ៉ាងសកម្ម។ កិច្ចសហការនេះបានផ្តល់កាលានុវត្តភាពដ៏មានតម្លៃសម្រាប់គ្រូឧទ្ទេស និងគរុនិស្សិត ក្នុងការលើកកម្ពស់សមត្ថភាពស្រាវជ្រាវ និងការអនុវត្តជាក់ស្តែង ដើម្បីធានាបាននូវការសម្រេចចិត្តផ្អែកលើទិន្នន័យនិងភស្តុតាងច្បាស់លាស់ សំដៅលើកកម្ពស់គុណភាពនៃការបង្រៀននិងរៀនគណិតវិទ្យាថ្នាក់ដំបូងឱ្យកាន់តែមានប្រសិទ្ធភាពខ្ពស់។

២៩ កញ្ញា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia