កម្មវិធីចុះហត្ថលេខាលើអនុស្សរណៈយោគយល់គ្នា (MoU)រវាង វិទ្យាស្ថានគរុកោសល្យបាត់ដំបង និងក្រុមហ៊ុន សាលាថេក ឌីជីថល សឹលូសិន (ខេមបូឌា) ឯ.ក

នារសៀលថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ វិទ្យាស្ថានគរុកោសល្យបាត់ដំបង បានរៀបចំ «កម្មវិធីចុះហត្ថលេខាលើអនុស្សរណៈយោគយល់គ្នា (MoU)» រវាង វិទ្យាស្ថានគរុកោសល្យបាត់ដំបង និង ក្រុមហ៊ុន សាលាថេក ឌីជីថល សឹលូសិន (ខេមបូឌា) ឯ.ក។ ពិធីនេះបានប្រព្រឹត្តទៅក្រោមអធិបតីភាព ឯកឧត្ដម បណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង និងមានការចូលរួមពីសំណាក់ លោក សុខ លាភ ប្រធានក្រុមហ៊ុន សាលាថេក ព្រមទាំង នាយករងវិទ្យាស្ថាន ព្រឹទ្ធបុរស ព្រឹទ្ធបុរសរង ប្រធានស្ដីទីការិយាល័យ អនុប្រធានការិយាល័យ គ្រូឧទ្ទេស និងក្រុមសម្របសម្រួលនៃភាគីទាំងពីរ។
កិច្ចសហប្រតិបត្តិការនេះ ធ្វើឡើងក្នុងគោលបំណងដើម្បីសហការរៀបចំ និងដាក់ឱ្យដំណើរការប្រព័ន្ធគ្រប់គ្រងសាលារៀនបែបឌីជីថលសម្រាប់គ្រឹះស្ថានអប់រំគ្រូបង្រៀន ដែលជាជំហានដ៏សំខាន់ក្នុងការធ្វើទំនើបកម្មវិស័យអប់រំឱ្យស្របតាមបរិបទឌីជីថលក្នុងសម័យកាលថ្មី។ ការដាក់ឱ្យប្រើប្រាស់ប្រព័ន្ធបច្ចេកវិទ្យានេះ មិនត្រឹមតែជួយលើកកម្ពស់ប្រសិទ្ធភាពការងាររដ្ឋបាល បង្កើនតម្លាភាព និងសុក្រឹតភាពក្នុងការគ្រប់គ្រងទិន្នន័យប៉ុណ្ណោះទេ ប៉ុន្តែថែមទាំងចូលរួមចំណែកយ៉ាងសកម្មក្នុងការជម្រុញការផ្លាស់ប្តូរការអប់រំបែបឌីជីថល (Digital Transformation) ដើម្បីឆ្លើយតបទៅនឹងគោលនយោបាយសេដ្ឋកិច្ច និងសង្គមឌីជីថលកម្ពុជា។ លើសពីនេះ កិច្ចសហការរវាងគ្រឹះស្ថានអប់រំរដ្ឋ និងក្រុមហ៊ុន EdTech មួយនេះ នឹងជួយពង្រឹងការចែករំលែកបទពិសោធន៍ បច្ចេកវិទ្យា ព្រមទាំងរៀបចំសមត្ថភាពលោកគ្រូ អ្នកគ្រូ និងនិស្សិតគរុកោសល្យឱ្យកាន់តែមានភាពស៊ីសង្វាក់គ្នានឹងការវិវត្តនៃបច្ចេកវិទ្យាអប់រំនាពេលបច្ចុប្បន្ន និងអនាគត។

៣១ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia