ជំនួបសួរសុខទុក្ខ ស្វែងយល់ពីស្ថានភាព និងលើកទឹកចិត្តដល់គរុនិស្សិតដែលមានគ្រួសារជាជនភៀសសឹក

នារសៀលថ្ងៃទី១០ ខែធ្នូ ឆ្នាំ២០២៥ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានជួបសំណេះសំណាលសួរសុខទុក្ខគរុនិស្សិត១៧រូប ដែលមកពីខេត្តព្រះវិហារ ឧត្តរមានជ័យ និងបន្ទាយមានជ័យ ដែលមានគ្រួសារជាជនភៀសសឹក។
គរុនិស្សិតមួយចំនួនធំបានជម្រាបជូនឯកឧត្តមបណ្ឌិតនាយកថា ពេលនេះគ្រួសាររបស់ពួកគាត់បានចាកចេញពីលំនៅដ្ឋាន ទៅស្នាក់អាស្រ័យនៅជំរុំជនភៀសសឹកដែលបានរៀបចំដោយអាជ្ញាធរខេត្តរួចរាល់ហើយ ប៉ុន្តែ ពួកគាត់នៅតែមានការបារម្ភពីគ្រួសារក៏ដូចជាពលរដ្ឋខ្មែរគ្រប់ៗរូប។ គរុនិស្សិត២រូប បានសម្ដែងនូវក្តីបារម្ភជាខ្លាំង ដោយគាត់មានស្វាមី និងសមាជិកគ្រួសារជាទាហានជួរមុខនិងពេទ្យដែលកំពុងប្រចាំការនៅសមរភូមិ។
ក្រោយស្ដាប់ស្ថានភាពគ្រួសារគរុនិស្សិតរួច ឯកឧត្តមបណ្ឌិតនាយក បានសំដែងនូវការបារម្ភដល់គ្រួសារប្អូនៗ និងលើកទឹកចិត្តដល់ប្អូនៗឱ្យមានស្មារតីនឹងនរ រក្សាសុខភាពផ្លូវចិត្តកាយឲ្យបានល្អ កុំឲ្យគ្រួសារបារម្ភ ព្រោះសុខសុវត្ថិភាពប្អូនៗ ការខិតខំសិក្សា ក៏ជាចំណែកនៃកម្លាំងនិងសេចក្ដីសុខផ្លូវចិត្តរបស់គ្រួសារប្អូនៗផងដែរ។ ឯកឧត្តមលើកទឹកចិត្តឲ្យប្អូនៗជឿជាក់លើរាជរដ្ឋាភិបាល ព្យាយាមសិក្សាស្វែងយល់ស្ថានការណ៍ឲ្យបានច្បាស់ និងចែករំលែកពត៌មានពិត។
គណៈគ្រប់គ្រងវគប នៅជាមួយប្អូនៗ ជានិច្ច។

បាត់ដំបង | ១០ ធ្នូ ២០២៥

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia