កិច្ចប្រជុំបូកសរុបសកម្មភាពសម្រេចបាន ឆ្នាំសិក្សា២០២៤-២០២៥

នារសៀលថ្ងៃទី០៥ ខែកុម្ភៈ ឆ្នាំ២០២៦ មហាវិទ្យាល័យអប់រំវិទ្យាសាស្ត្រសង្គម បានរៀបចំកិច្ចប្រជុំបូកសរុបសកម្មភាពសម្រេចបានក្នុងឆ្នាំសិក្សា២០២៤–២០២៥ និងលើកទិសដៅអនុវត្តបន្តសម្រាប់ឆ្នាំ២០២៦។ កិច្ចប្រជុំនេះប្រារព្ធធ្វើឡើងក្រោមអធិបតីភាពលោកបណ្ឌិត ហ៊ត ស៊ីនួន នាយករងវិទ្យាស្ថានគរុកោសល្យបាត់ដំបង ដោយមានការចូលរួមពី ព្រឹទ្ធបុរសរងមហាវិទ្យាល័យអប់រំវិទ្យាសាស្ត្រសង្គម ព្រមទាំងលោក លោកស្រីប្រធាន អនុប្រធាន និងគ្រូឧទ្ទេសនៃដេប៉ាតឺម៉ង់អប់រំវិទ្យាសាស្ត្រសង្គម និងដេប៉ាតឺម៉ង់ភាសា។
កិច្ចប្រជុំមានរបៀបវារៈដូចខាងក្រោម៖
- បូកសរុបសកម្មភាពសម្រេចបានរបស់មហាវិទ្យាល័យ និងដេប៉ាតឺម៉ង់ទាំងពីរ
- ផ្សព្វផ្សាយ និងពង្រឹងការអនុវត្តគោលការណ៍គោរពទង់ជាតិ
- ផ្សព្វផ្សាយផែនការស្រាវជ្រាវប្រតិបត្តិ
- តម្រង់ទិសកម្មវិធីសិក្សាលម្អិតតាមដេប៉ាតឺម៉ង់
- ផ្សេងៗ
កិច្ចប្រជុំនេះបានបញ្ចប់ដោយជោគជ័យ និងទទួលបានផ្លែផ្កាជាទីគាប់ចិត្ត ដោយមានការចូលរួមពិភាក្សាយ៉ាងសកម្មពីលោកនាយករង លោកព្រឹទ្ធបុរស ព្រឹទ្ធបុរសរង ព្រមទាំងលោក លោកស្រីប្រធាន អនុប្រធាន និងគ្រូឧទ្ទេស លើការងារចាំបាច់ដែលត្រូវអនុវត្តបន្ត ស្របតាមផែនការរបស់វិទ្យាស្ថាន និងមហាវិទ្យាល័យ ដែលបានកំណត់សម្រាប់អនុវត្តក្នុងឆ្នាំសិក្សាថ្មី។

បាត់ដំបង | ៥ កុម្ភៈ ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia