ការជួបសំណេះសំណាល និងពិភាក្សាការងារជាមួយក្រុមការងារមកពី មូលនិធិ CIESF កម្ពុជា

នារសៀលថ្ងៃអង្គារ ៥កើតខែស្រាពណ៍ឆ្នាំមមីអដ្ឋស័ក ព.ស២៥៧០ ត្រូវនឹងថ្ងៃទី១៨ខែសីហាឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបងបានជួបសំណេះសំណាលនិងពិភាក្សាការងារជាមួយ លោក TADA Ryuji អគ្គលេខាធិការមូលនិធិ CIESF កម្ពុជា។ ក្នុងជំនួបពិភាក្សានេះដែរ ក៏មានការចូលរួមពីលោកនាយករងវិទ្យាស្ថានគរុកោសល្យបាត់ដំបង លោកស្រីអគ្គលេខាធិការរង និងក្រុមការងារ មកពីមូលនិធិ CIESF កម្ពុជា។ ការប្រជុំនេះមានគោលបំណង (១) ការជួបសំណេះសំណាលស្វែងយល់ពីការងារទូទៅពាក់ព័ន្ធស្ថានភាពវិទ្យាស្ថានគរុកោសល្យបាត់ដំបង និង មូលនិធិ CIESF កម្ពុជា និង (២) ពិភាក្សាការងារពាក់ព័ន្ធការជ្រើសរើសគរុនិស្សិត ១២+៤ ផ្នែកបឋមសិក្សា ដើម្បីប្រកួតប្រជែងទទួលបានអាហារូបករណ៍ពីមូលនិធិរយៈពេល១ឆ្នាំ នៅឆ្នាំសិក្សា ២០២៦-២០២៧ ។ បន្ទាប់ពីការប្រជុំពិភាក្សាការងាររួចមក ក្រុមការងារមូលនិធិ CIESF បានដើរទស្សនកិច្ចវិទ្យាស្ថានគរុកោសល្យបាត់ដំបង រួមមាន អគារសិក្សា អគាររដ្ឋបាល បន្ទប់ប្រជុំ សាលសហសិក្សា បន្ទប់សុខភាព បន្ទប់ពិសោធន៍វិទ្យាសាស្ត្រ បន្ទប់ ICT បន្ទប់សិល្បៈ តន្ត្រី បណ្ណាល័យ និងសាលពហុបំណង។ ឯកឧត្តមបណ្ឌិត ជា រដ្ឋា បានថ្លែងអំណរគុណ ដល់ក្រុមការងារ មូលនិធិ CIESF ដែលបានចំណាយពេលវេលាក្នុងជំនួបពិភាក្សានេះ ព្រមទាំងផែនការក្នុងការផ្ដល់អាហារូបករណ៍ដល់គរុនិស្សិតបឋមសិក្សារយៈពេលមួយឆ្នាំ។

១៨ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia