កិច្ចប្រជុំពិនិត្យ និងកែសម្រួលពង្រាងគោលការណ៍ស្រាវជ្រាវរបស់វិទ្យាស្ថាន

នារសៀលថ្ងៃទី២៣ ខែមីនា ឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានដឹកនាំគណៈគ្រប់គ្រងវិទ្យាស្ថាន និងដេប៉ាតឺម៉ង់ស្រាវជ្រាវអប់រំ និងបណ្ណាល័យ ដើម្បីពិនិត្យ និងកែសម្រួលលើ “ពង្រាងគោលការណ៍ស្រាវជ្រាវរបស់វិទ្យាស្ថាន”។
ក្នុងឱកាសនោះ ឯកឧត្តមនាយកបានផ្តល់ការណែនាំលើការកំណត់ប្រធានបទស្រាវជ្រាវគោល (Research Themes) សម្រាប់បុគ្គលិកអប់រំ និងបានសង្កត់ធ្ងន់លើការរៀបចំយន្តការលើកទឹកចិត្តដល់អ្នកស្រាវជ្រាវ ដើម្បីជំរុញឱ្យដំណើរការស្រាវជ្រាវផ្ទៃក្នុងកាន់តែមានប្រសិទ្ធភាព។
ជាកិច្ចបញ្ចប់ ក្រោយទទួលបានធាតុចូលយ៉ាងផុសផុល ឯកឧត្តមបានលើកទឹកចិត្តដល់គណៈគ្រប់គ្រងមហាវិទ្យាល័យ និងដេប៉ាតឺម៉ង់ ត្រូវបន្តជំរុញការស្រាវជ្រាវរបស់គ្រូឧទ្ទេសឱ្យកាន់តែខ្លាំងក្លា ដើម្បីឆ្លើយតបទៅនឹងបេសកកម្មរបស់វិទ្យាស្ថាន ក៏ដូចជាការអភិវឌ្ឍសមត្ថភាពស្របតាម “ស្តង់ដាវិជ្ជាជីវៈគ្រូឧទ្ទេស” ផងដែរ។

បាត់ដំបង | ២៣ មីនា ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia