ឯកឧត្តមបណ្ឌិត ជា រដ្ឋា ចែករំលែកបទឧទ្ទេស ស្តីពី «អភិបាលកិច្ចល្អ» ដល់គរុនិស្សិតនៃវិទ្យាស្ថានគរុកោសល្យបាត់ដំបង

បាត់ដំបង៖ ថ្ងៃសុក្រ ១០រោច ខែផល្គុន ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៣ ខែមីនា ឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានអញ្ជើញជាគ្រូឧទ្ទេសក្នុងសិក្ខាសាលាចែករំលែកចំណេះដឹងស្តីពី «អភិបាលកិច្ចល្អ (Good Governance)» ជូនដល់គរុនិស្សិតដែលកំពុងសិក្សានៅក្នុងវិទ្យាស្ថាន ដើម្បីពង្រឹងសមត្ថភាពដឹកនាំ និងសីលធម៌វិជ្ជាជីវៈ។
ឯកឧត្តមបណ្ឌិត បានសង្កត់ធ្ងន់ថា ការយល់ដឹងពីអភិបាលកិច្ចល្អ គឺជារឿងចាំបាច់បំផុតសម្រាប់គរុនិស្សិត ដែលជាទំពាំងស្នងឫស្សី និងជាអនាគតអ្នកគ្រប់គ្រងសាលារៀន។ លោកបានជំរុញឱ្យគរុនិស្សិតទាំងអស់ យកចំណេះដឹងទាំងនេះទៅអនុវត្តក្នុងជីវភាពសិក្សា និងត្រៀមលក្ខណៈសម្បត្តិឱ្យបានល្អ ដើម្បីក្លាយជាគ្រូបង្រៀនគំរូ ដែលមានទាំងសមត្ថភាពបច្ចេកទេស និងគុណធម៌ក្នុងការដឹកនាំ។
សកម្មភាពនេះ បានឆ្លុះបញ្ចាំងពីការយកចិត្តទុកដាក់ខ្ពស់របស់គណៈគ្រប់គ្រងវិទ្យាស្ថាន ក្នុងការបណ្តុះបណ្តាលធនធានមនុស្សឱ្យមានគុណភាពស្របតាមស្តង់ដារអប់រំទំនើប និងឆ្លើយតបទៅនឹងកំណែទម្រង់សាលារៀនជំនាន់ថ្មីនៅកម្ពុជា។

បាត់ដំបង | ១៣ មីនា ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia