ការវាយតម្លៃនាយកសាលាគរុកោសល្យល្អ នៅវិទ្យាស្ថានគរុកោសល្យបាត់ដំបង

នាថ្ងៃអង្គារ ១១កើត ខែបុស្ស ឆ្នាំម្សាញ់ ព.ស.២៥៦៩ ត្រូវនឹងថ្ងៃទី៣០ ខែធ្នូ ឆ្នាំ២០២៥ វេលាម៉ោង ៨:០០ នាទីព្រឹក វិទ្យាស្ថានគរុកោសល្យបាត់ដំបង បានរៀបចំទទួលស្វាគមន៍ប្រតិភូគណៈកម្មការវាយតម្លៃនាយកសាលាគរុកោសល្យល្អ ដើម្បីប្រគល់ពានរង្វាន់ «នាយកសាលាគរុកោសល្យល្អ» ក្នុងសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា ២០២៤–២០២៥ ដែលដឹកនាំដោយ ឯកឧត្តមបណ្ឌិត ហួ ឈុនគ្រី អគ្គាធិការនៃអគ្គាធិការដ្ឋាន ក្រសួងអប់រំ យុវជន និងកីឡា ព្រមទាំងសមាជិក សមាជិការនៃក្រុមវាយតម្លៃទាំងអស់។
កម្មវិធីវាយតម្លៃនេះ មានការអញ្ជើញចូលរួមពី ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង លោកនាយករង ព្រឹទ្ធបុរស ប្រធានការិយាល័យទាំង៣ ប្រធានលេខាធិការដ្ឋាន ប្រធានដេប៉ាតឺម៉ង់ និងមន្រ្តីការិយាល័យធានាគុណភាពផ្ទៃក្នុងទាំងអស់។
ដំណើរការវាយតម្លៃ រួមមាន៖
១. ការធ្វើបទបង្ហាញអំពី «លទ្ធផលសង្ខេបសូចនាករនាយកសាលាគរុកោសល្យល្អ»
២. ការធ្វើបទបង្ហាញស្តីពី «ដំណើរឆ្ពោះទៅការប្រែក្លាយវិទ្យាស្ថានគរុកោសល្យបាត់ដំបង ជាមជ្ឈមណ្ឌលអប់រំគ្របង្រៀនសតវត្សទី២១ ប្រកបដោយឧត្តមភាព» ព្រមទាំងបង្ហាញវីដេអូខ្លីស្តីពីសមិទ្ធផលការងារក្នុងវិស័យផ្សេងៗ
៣. ការស្ទង់មតិបុគ្គលិកអប់រំ និងគរុនិស្សិត ព្រមទាំងការសម្ភាសន៍ស្តីពីការគ្រប់គ្រង និងលទ្ធផលការងារ ដែលសម្រេចបានតាមសូចនាករគោលទាំង១០ នៃនីតិវិធីវាយតម្លៃនាយកសាលាគរុកោសល្យល្អ
នៅចុងបញ្ចប់នៃការវាយតម្លៃ គណៈកម្មការវាយតម្លៃបានបង្ហាញនូវសេចក្តីសោមនស្សរីករាយ និងការកោតសរសើរ ចំពោះសមិទ្ធផលនានា ដែលឯកឧត្តមបណ្ឌិតនាយក និងសហការីគ្រប់រូប បានសហការគ្នាយ៉ាងសកម្មកន្លងមក។

បាត់ដំបង | ៣០ ធ្នូ ២០២៥

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia