ជំនួបពិភាក្សាការងារជាមួយអង្គការគាំទ្រការអភិវឌ្ឍសមត្ថភាពគ្រូបង្រៀន (TDSO)

នាព្រឹកថ្ងៃព្រហស្បតិ៍ ៦ រោច ខែមិគសិរ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី ១១ ខែធ្នូ ឆ្នាំ ២០២៥ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង (វគប) បានដឹកនាំគណៈគ្រប់គ្រងវិទ្យាស្ថាន ជួបពិភាក្សាជាមួយតំណាងអង្គការ TDSO ដើម្បីពិភាក្សាពាក់ព័ន្ធនឹងទិសដៅកិច្ចសហប្រតិបត្តិការ ក្នុងការគាំទ្រការអភិវឌ្ឍជំនាញគ្រូបង្រៀនបឋមសិក្សានៅខេត្តបាត់ដំបង។
ក្នុងកិច្ចប្រជុំ ឯកឧត្តមបណ្ឌិត នាយក បានលើកតម្កើងពីតម្រូវការចាំបាច់ក្នុងការកែលម្អគុណភាពបង្រៀនភាសាអង់គ្លេសនៅកម្រិតបឋមសិក្សា ជាពិសេសសម្រាប់គ្រូបង្រៀនកិច្ចសន្យា ដែលកំពុងត្រូវការការគាំទ្រយ៉ាងខ្លាំងលើជំនាញបង្រៀន និងវិធីសាស្ត្របង្រៀនទំនើប។ ខណៈពេលដូចគ្នា តំណាងអង្គការ TDSO ក៏បានធ្វើការណែនាំអំពីកម្មវិធី និងសេវាកម្មគាំទ្រដែលអង្គការអាចផ្ដល់ ជាពិសេសលើ ការបណ្តុះបណ្តាលជំនាញបង្រៀនភាសាអង់គ្លេសសម្រាប់ថ្នាក់ទី ៤ ដល់ថ្នាក់ទី ៦។
កិច្ចពិភាក្សានេះបានបង្ហាញពីចក្ខុវិស័យរួម ក្នុងការលើកកម្ពស់គុណភាពបង្រៀនបឋមសិក្សាតាមបទដ្ឋានដែលក្រសួងអប់រំនិងកីឡាបានកំណត់។

បាត់ដំបង | ១១ ធ្នូ ២០២៥

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia