កិច្ចប្រជុំពិភាក្សាអំពី «វេទិកាជជែកដេញដោលគរុនិស្សិត គរុសិស្ស ភូមិភាគពាយ័ព្យ ឆ្នាំ២០២៦» ក្រោមប្រធានបទ «ការបណ្ដុះផ្នត់គំនិត ស្អាត បៃតង និងចីរភាព»

នារសៀលថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦ ឯកឧត្ដមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានដឹកនាំកិច្ចប្រជុំពិភាក្សាការងារស្តីពី «វេទិកាជជែកដេញដោលគរុនិស្សិត គរុសិស្ស ភូមិភាគពាយ័ព្យ ឆ្នាំ២០២៦» ក្រោមប្រធានបទ «ការបណ្ដុះផ្នត់គំនិត ស្អាត បៃតង និងចីរភាព» នៅបន្ទប់ប្រជុំប្រង់ នៃវិទ្យាស្ថានគរុកោសល្យបាត់ដំបង។
កិច្ចប្រជុំនេះ មានការអញ្ជើញចូលរួមពី លោក គង់ សៀកលី អគ្គនាយករង នៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន, លោក រស់ បណ្ឌិត ប្រធាននាយកដ្ឋានអប់រំបរិស្ថាន ក្រសួងបរិស្ថាន ព្រមទាំងលោក-លោកស្រី ជាព្រឹទ្ធបុរស ព្រឹទ្ធបុរសរង ប្រធានស្តីទីការិយាល័យ អនុប្រធានដេប៉ាតឺម៉ង់ និងគ្រូឧទ្ទេស នៃវិទ្យាស្ថានគរុកោសល្យបាត់ដំបង។
ជំនួបនារសៀលនេះ រៀបចំឡើងក្នុងគោលបំណងពិភាក្សា និងស្វែងរកតិយោបល់ ដើម្បីរៀបចំរចនាសម្ព័ន្ធការងារឱ្យមានប្រសិទ្ធភាពខ្ពស់ តាមរយៈការបង្កើតអនុគណៈកម្មការ និងក្រុមការងារបច្ចេកទេស, ការសម្រេចលើប្រធានបទរងឱ្យចំទិសដៅ «ស្អាត បៃតង និងចីរភាព», ការកំណត់ទម្រង់ប្រកួត និងលក្ខណៈវិនិច្ឆ័យដាក់ពិន្ទុ, ព្រមទាំងការកំណត់កាលបរិច្ឆេទនៃការប្រកួតវគ្គផ្តាច់ព្រ័ត្រ (Grand Final) ឱ្យបានច្បាស់លាស់។ កិច្ចខិតខំប្រឹងប្រែងរួមគ្នានេះ គឺដើម្បីធានាឱ្យបាននូវភាពយុត្តិធម៌ តម្លាភាព និងស្តង់ដារបច្ចេកទេសខ្ពស់បំផុត សម្រាប់ដំណើរការប្រកួតប្រជែងរបស់គរុនិស្សិត-គរុសិស្សទាំង ៤ ស្ថាប័ន ប្រព្រឹត្តទៅដោយរលូន និងទទួលបានជោគជ័យយ៉ាងត្រចះត្រចង់។

៣ កញ្ញា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia