ជំនួបសម្តែងការគួរសម និងពិភាក្សាការងារជាមួយ ឯកឧត្តមអភិបាលនៃគណៈអភិបាលខេត្តបាត់ដំបង

នារសៀលថ្ងៃទី៣០ ខែកក្កដា ឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានដឹកនាំគណៈគ្រប់គ្រងវិទ្យាស្ថាន ចូលសម្តែងការគួរសម និងពិភាក្សាការងារជាមួយ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង នៅសាលាខេត្តបាត់ដំបង។
នាឱកាសនេះ ឯកឧត្តមបណ្ឌិតនាយកវិទ្យាស្ថាន បានសម្តែងនូវការអបអរសាទរចំពោះសមិទ្ធផលប្រវត្តិសាស្ត្រនានាលើទឹកដីខេត្តបាត់ដំបង ក្រោមអណត្តិដឹកនាំដ៏មានសកម្មភាពរបស់ ឯកឧត្តមអភិបាលខេត្ត។ ស្របជាមួយគ្នានេះ ឯកឧត្តមបណ្ឌិត ក៏បានជម្រាបជូនពីសាវតារ និងវឌ្ឍនភាពសំខាន់ៗរបស់វិទ្យាស្ថានគរុកោសល្យបាត់ដំបង ជូន ឯកឧត្តមអភិបាលខេត្តផងដែរ។
តាមរយៈរបាយការណ៍សង្ខេបរបស់ ឯកឧត្តមបណ្ឌិតនាយកវិទ្យាស្ថាន ឯកឧត្តម សុខ លូ អភិបាលខេត្តបាត់ដំបង បានសម្តែងនូវការសាទរយ៉ាងខ្លាំងចំពោះការរីកចម្រើន និងវឌ្ឍនភាពរបស់វិទ្យាស្ថាន ព្រមទាំងបានផ្តល់ការគាំទ្រយ៉ាងពេញទំហឹងចំពោះបេសកកម្មក្នុងការអប់រំ និងបណ្តុះបណ្តាលគ្រូបង្រៀនសតវត្សទី២១។ ជាមួយគ្នានេះដែរ ឯកឧត្តមអភិបាលខេត្ត បានបង្ហាញការយកចិត្តទុកដាក់ និងសន្យាជួយអន្តរាគមន៍លើបញ្ហាប្រឈមលើ បញ្ហាសោភណភាព សុវត្ថិភាព និងអនាម័យបរិស្ថានជុំវិញវិទ្យាស្ថាន ដើម្បីធានាបាននូវគុណភាពនៃការអប់រំគ្រូ និងបរិយាកាសសិក្សាប្រកបដោយប្រសិទ្ធភាព និងភាពឆ្លើយតបខ្ពស់។

៣០ កក្កដា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia