សន្និបាតបូកសរុបលទ្ធផលការងារប្រចាំឆ្នាំ២០២៥ និងលើកទិសដៅការងារសម្រាប់ឆ្នាំ២០២៦ របស់ក្រុមប្រឹក្សាយុវជនគ្រឹះស្ថានឧត្តមសិក្សា(ក.យ.គ.) នៃសហភាពសហព័ន្ធយុវជនកម្ពុជា(ស.ស.យ.ក.)

នាថ្ងៃចន្ទ ទី០២ ខែមីនា ឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង(វគប) និងជាសមាជិកគណៈចលនាដឹកនាំយុវជនស្ម័គ្រចិត្ត ស.ស.យ.ក. នៃគ្រឹះស្ថានឧត្តមសិក្សារដ្ឋ បានដឹកនាំក្រុមការងារ សសយក វគប ចូលរួមសន្និបាតបូកសរុបលទ្ធផលការងារប្រចាំឆ្នាំ២០២៥និងលើកទិសដៅការងារសម្រាប់ឆ្នាំ២០២៦ របស់ក្រុមប្រឹក្សាយុវជនគ្រឹះស្ថានឧត្តមសិក្សា(ក.យ.គ.) នៃសហភាពសហព័ន្ធយុវជនកម្ពុជា(ស.ស.យ.ក.) ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា។ ក្នុងឱកាសនៃកម្មវិធីបើកសន្និបាតបូកសរុបលទ្ធផលការងារក្រោមអធិបតីភាពរបស់ ឯកឧត្តម ស សុខា អនុប្រប្រធានសហភាពសហព័ន្ធយុវជនកម្ពុជា និងជាប្រធានក្រុមប្រឹក្សាយុវជនគ្រឹះស្ថានឧត្តមសិក្សា(ក.យ.គ.) ឯកឧត្តមបណ្ឌិត ជា រដ្ឋា ត្រូវបានអញ្ជើញជាវាគ្មិនកិត្តិយសក្នុងការចែករំលែកបទបង្ហាញស្តីពី “យុវជនក្នុងកាតព្វកិច្ចការពារជាតិ រក្សាសុខសន្តិភាព ស្ថិរភាពនយោបាយ និងជំរុញវឌ្ឍនភាពជាតិ” ជូនអង្គសន្និបាត ក.យ.គ. ដែលមានសមាជិក សមាជិកា ចូលរួមផ្ទាល់ប្រមាណជាង៧០០នាក់ និងសមាជិក សមាជិកាដែលជាគណៈបញ្ជាការឯកភាពរាជធានីខេត្តចូលរួមស្តាប់តាមប្រព័ន្ធZoom ទាំង២៥រាជធានីខេត្ត។ បទបង្ហាញផ្តោតសំខាន់លើ (១)ស្ថានភាពពិភពលោកនាពេលបច្ចុប្បន្ន និងអនាគត (២) កាតព្វកិច្ចយុវជនក្នុងការការពារជាតិ រក្សាសុខសន្តិភាព និងស្ថិរភាពនយោយបាយ (៣) កាតព្វកិច្ចយុវជនក្នុងការចូលរួមអភិវឌ្ឍជាតិ និងកសាងវិបុលភាពសង្គម ប្រឈមនឹងស្ថានភាពលំបាក និង សារគន្លឹះជូនដល់យុវជនកម្ពុជា ពិសេសសមាជិក សមាជិកា មហាគ្រួសារស.ស.យ.ក.ទាំងអស់។ ជារួម ឯកឧត្តមបណ្ឌិត ជា រដ្ឋា បានលើកឡើងថា៖ (i) កាតព្វកិច្ចការពារជាតិ និងរក្សាសុខសន្តិភាព គឺជាភារកិច្ចរួមរបស់យើងទាំងអស់គ្នា ដូច្នេះយើងត្រូវចូលរួមប្រកបដោយស្មារតីទទួលខុសត្រូវខ្ពស់ កុំគ្រាន់តែឈរមើល។ (ii) កាតព្វកិច្ចការពារជាតិ មិនសំដៅតែការប្រើអាវុធដើម្បីការពារជាតិនោះទេ យុវជនកម្ពុជាអាចប្រើបញ្ញាស្មារតីក្នុងការពារជាតិបានតាមរយៈសមត្ថភាពចំណេះដឹង ជំនាញ និងស្មារតីស្នេហាជាតិពិតប្រាកដ មិនមែនគ្រាន់តែស្នេហាជាតិតាមបណ្តាញសង្គមនោះទេ។ (iii) ការកសាងភាពធន និងការឆ្លើយតបខ្ពស់របស់យុវជនកម្ពុជាជាមូលដ្ឋានគ្រឹះនៃការកសាងអនាគតជាតិ សុខសន្តិភាពរបស់កម្ពុជាប្រឈមនឹងពិភពលោកដែលផ្លាស់ប្តូរឆាប់រហ័ស ព្រមទាំងស្នើសុំឱ្យ សមាជិក សមាជិកា មហាគ្រួសារស.ស.យ.ក.ទាំងបន្តជឿជាក់លើរាជរដ្ឋាភិបាលកម្ពុជា ពិសេសចូលរួមទាំងអស់គ្នា ពង្រឹងខឿនការពារជាតិរបស់យើងតាមរយៈ ការពង្រឹងវិស័យអប់រំ ការកសាងភាពធន់របស់យុវជន ការរក្សាវប្បធម៌ចែករំលែក និងការផ្សព្វផ្សាយការពិតពីកម្ពុជា។

រាជធានីភ្នំពេញ | ០២ មីនា ២០២៧

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia